My lewe maak dit moeilik om gefokus op God te bly

So... die laaste paar weke voel ek nogals ver van die Here af. 

Ek gesels nie meer so baie met Hom nie. Ek sit nie die effort in ons verhouding soos ek moet, en wil nie.

So snaaks hoe die lewe en al sy gebeure mens se fokus van God af kan haal. Ergste van als is dat die vyand mens dan so skuldig laat voel , dat jy dan die “stilte” tussen jou en God verleng of uit stel.

Ek dink nou aan iets… God is altyd by my! So al het ek nie met Hom gesels soos ek wil nie, en aandag aan ons verhouding gegee nie, Hy was nog heeltyd by my. There’s actually no catching up to do! Ek kan net aangaan waar ek opgehou het. Ek het nie nodig om skuldig te voel nie. Dinge gaan mos so met alle verhoudings, soms gee jy nie jou alles nie. Wat dinge laat werk is wanneer mens dit erken, en dinge reg maak.

Dis nie die eerste keer wat ek dinge so laat gaan met my God nie en gaan ook nie die laaste keer wees nie, wat nou ‘n verskil maak van al die ander kere is dat ek ‘n damage control plan het, en dat God my nie meer op 'n drastiese manier op my kniëe hoef te dwing nie. Maak nie saak hoe ver die lewe jou van God af vat nie, God is nooit verder as ‘n gebed weg nie!

My Liewe Pappa Vader,

Vergewe my tog, dat ek so stil was vir ‘n ruk, vergewe my dat ek toegelaat het dat my besige lewe tussen ons kom.

Baie dankie vir die wete dat U my nooit verlaat het nie, hoe amazing is die gevoel nie dat ons net kan aangaan waar ek opgehou het! Die feit dat ek  nie hoef sleg te voel  dat ek ons verhouding afgeskeep het nie, stel my gerus.

Daar sal nie een dag verby kan gaan wat ek kan sê ek het U nie nodig nie. Ek is absoluut tot alles in staat deur U wat my krag gee. Dankie dat U elke dag by my was maak nie saak hoe stil ek was en hoe min ek met u gekommunikeer het nie. U is die perfekte voorbeeld van onvoorwaardelike liefde, dankie daar voor my God!

Liewe Heer, hou die honger in my, die honger vir ons verhouding, die honger vir U word, en die honger om tot U wil te lewe.

Amen

So… die grootste ding wat ek tot dusver geleer het is dat dit ok is om net weer aan te gaan waar jy laat gaan het. Dis nie ideaal nie, maar dis ok, solank mens kan sien en voel dinge is nou besig om uit te rafel en dan stop met alles waarmee die lewe jou so besig hou en net weer bietjie nader skuif aan die Koning.

Sjoe ek worstel met so baie dinge op die oomblik, gin wonder dis so moeilik nie, want ek kry nie kans om dit voor God se voete te lê nie. Ek spartel aan op my eie en sukkel voort!

Ek moet bieg ek is nogals teleurgesteld in myself, my dag moet begin met God, en eindig met hom. Ek moet deur die dag met Hom gesels, ek MOET! EK kan nie die verlede verander nie maar ek sal beslis seker maak dinge gaan beter van vandag af.

Krisisse so semi-uitgesorteer

So, ek het my kar terug gekry in laas week, na ‘n klomp struggles en issues. Ek is so bly!

Maar nou is daar nog ‘n duisend-en-tien dinge wat moet gebeur. Well, I’m ready for the challenge.

Ek besef toe die lewe is nooit normaal nie, of ek sien dit altans nie as normaal nie. Daar is altyd een of ander krisis of ‘n ding. Sjoe! Die krisisse speel ‘n baie belangrike rol in my lewe. It keeps me grounded, dit laat my vas klou aan die enigste ding wat ek weet ‘n definitief is, my verhouding met my God.

Punt is ek het altwee my major krisisse oorleef, en nou voel ek beter af. Dankie my Heer, ek verdien dit nie.

Psalm 101:5 Skinderbekke en hoogmoediges

Sooo… ek wou al Maandag hieroor blog maar dinge is nogals insane hier by my. Ek is Sondag aand kerk toe en ek het verskriklik gesukkel om ‘n boodskap uit die preek te kry. Dalk omdat dit ‘n ander Dominee was, ek is mos ‘n creature of habit, en dalk omdat hy nogals aantreklik was… OMW ek is ook net ‘n mens.

Die preek het gegaan oor in ‘n vorm  van meditasie in te gaan as jy bid aan God… toe verloor ek die aantreklike Dominee somewhere. Toe ek my weer kry praat hy oor beelde wat ons van God maak, die sterk soldaat wat ons beskerm, of die God van liefde, of die God van oorvloed… something like that. Dit was nogals frustrerend maar in elk geval, toe bring God ‘n gedagte by my op… Ons twee het die intieme verhouding begin, maar wat van ‘n vriendskap? Onmiddelik voel ek skuldig want vriende weet alles van mekaar, en ja God weet alles van my, maar ek van Hom…? Ek weet die belangrikste goed maar ek besluit toe ek wil hom beter leer ken deur sy woord.

Ek kom toe op ‘n Bybel vers af wat vir my so kosbaar is…  Psalm 101:5. Ek is seker daar is baie wat met my sal saam stem dat makliker gesê as gedaan is… Sjoe, dis maar moeilik om iemand stil te maak as hulle skinner, ek kan maklik en ek is nie skaam om dit te sê nie, maar hoe doen mens dit sonder om daardie een se gevoelens seer te maak? Dis nie wat ek wil hê nie, hoe se mens vir iemand hulle moet ophou skinder maar jy doen dit in liefde?

Hoogmoedigheid. Ek was seker dit is net ‘n persepsie wat ander mense van ‘n persoon maak… Daar is tog ‘n rede waarom mense reageer soos wat hulle doen… Ek besef nou dis mense wat dink hulle is verhewe bo ander, en ja ek verkies nie so tipe persoon in my vriende kring nie. Fixer, wat ek is, glo ek nogsteeds ek sal hoogmoedige mense se siening kan verander deur net ‘n voorbeel te wees van ‘n nederige jong dame.

Point being ek dink nie dis altyd maklik om die woord van die Here te volg nie, maar dis altyd moontlik. Ek sal die vers beslis my eie maak en dit implementer so goed as wat ek weet hoe. Aksies is vir my baie sterker as woorde en ek sal eerder die voorbeeld wees as om iemand uit te call.

So die boodskap vandag is; maak nie saak hoe jy die Bybel se Do’s and Don’ts  implementer nie. Doen dit soos dit vir jou gemaklik voel en vra jou Skepper om jou by te staan. Jy is dalk die een wat beter voel deur die voorbeeld te stel, of jy is die brawe een wat iemand kan uit call. Either which way, solank jy Hom net eer daarin.

Tattoo's!

Ek  het my sussie Saterdag gevat vir haar tattoo...

Ek myself het tattoos en besef mense kan jou so vinnig judge daaroor.

Dis maar my manier om myself te express en ek dink dis beautiful...

Ek kom toe met die quote op... ek wil hom graag op my Facebook ook nou sit... hopelik share iemand hom, dis vir my belangrik dat almal die boodskap ontvang.

Yay! Dis Vrydag!

Ek is was so gebless die week, oor en oor!

Ek is so dankbaar! Ek Hom voel langs my, Hy het elke tree saam met my gestap!

Krisis nommer 2:

04/08/2015

Ek is in ‘n ongeluk oppad werk toe! My kar kan nie ry nie!

Tussen die rond gejaagery en oproepe met die versekering, verkeerskantore en polisie stasie kry ek net sulke skiet-gebedjies, soos ek hulle noem, deur. “Here help!”

Daardie middag toe alles rustiger is, het ek my eerste gesprek met die Here. Ek los toe alles in Sy hande. Ek belowe myself ek gaan nie verder hieroor bekommerd wees nie. Hy sal vir my sorg.

Ek gaan toe die volgende oggend met my Ouma se stuk skadonkie werk toe, maar ek weet daar sal ‘n ander uitweg moet kom want ek kan nie my ouma sonder ‘n kar los nie, en haar skadonkie gaan nie die traffic punishment vir lank kan vat nie.

Soos ek by die werk sit, kom die gedagte by my op dat ek ‘n huur-kar opsie op my versekeringspolis mag hê… Ek bel, en sowaar! Hulle kan dadelik vir my ‘n kar aflewer wat ek vir 28dae kan gebruik. Die catch is dat ek R 1250.00 moet betaal as deposito… wat ek nie het nie. Ek bel toe my pa om hom te vra of hy sal help. Soos ek die oproep maak, het ek ‘n sterk gevoel dat hy gaan nee se (so snaaks dat ek nogsteeds ongelowig sal wees na hoe die Here my die vorige dag gehelp het). My pa se antwoord, “Ja, kom haal die geld Mandi”

In 15minute is alles uitgesort, Hy het vir my wiele gereel…! Regtig! Dit was die beste gevoel ooit. So intussen bel ek nog elke dag die versekering om te hoor hoe ver die claim al is… Vandag kry ek terugvoer wat my so ontstel!

My gebed is soos volg…

My kop hardloop in ‘n duisend verkskillende rigtings. Liewe Heer bring my tog kalmte!

Ek het die hele situasie met my kar in U hande gelos, en ek moet bieg ek was glad nie bekommerd oor die feit dat die versekering gaan uit betaal of wanneer ek my kar gaan terug kry nie. Tot vanoggend toe… tot ek besef het dat die extra versekering wat ek het net my bybetaling sal dek as my kar afgeskryf is… Die foon oproep wat ek van die versekering gekry het het dinge ook nie beter gemaak nie. Hulle werk op my senuwees, vra uit oor my lisensie en dit blyk of ek nie as gereelde drywer op die polis gelys is nie, wat my bybetaling verder sal opstoot.

Sondaar, soos ek is, vat ek die hele ding op my, ek is nou so bekommerd en ek sien op die stadium nie ‘n uitweg nie. Ek het R1500.00 op my naam, vir die hele maand! Nou begin die worries, en die spartel om planne te maak, dis my sondige natuur my Heer, en ek is boonop nog ‘n “control freak” ook.

So nou begin ek weer by die begin, soos ek van die ongelukstoneel met U gesels het, tot nou. My God, ek gee die groot bekommernis wat ek het vir U. Ek los dit in U hande! Alles het sover uitgewerk presies soos wat dit moes, en U kyk nog die hele tyd mooi na my. Ek gaan nie verder hieroor worry nie, ek weet U sal werk maak daarvan en U sal my help om hierdeur te kom. Ek glo in my hart, met U hand wat die situasie beheer gaam alles fine wees. Vergewe my tog as ek soms my bekommernisse, wat ek aan U gegee het, terug vat. Dis my sondige natuur en ek sal my heel beste probeer om daaraan te werk.

Ek is fine, dis wat ek nou besef, deur die hele ding het U my beskerm, ek het nie seer gekry in die ongeluk nie, ek het ‘n huur kar om mee te ry. Ek is fine!

Ek dink my grootste blessing is die verligting wat ek voel wanneer ek my bekommernisse aan U gee. Ek kan nou weer normaal asem haal en ontspan want ek het die beste, almagtigste en enigste God aan my kant.

Ek is dankbaar vir die amazing God wat ek dien, Liewe Heer baie dankie vir die voorreg om U kind genoem te word.

Ek is nou rustig, ek gaan nou wag vir die versekering om terug te bel en glo als sal dan afghandel wees en ek sal sekerheid oor die saak he.

Amen

Krisis Nommer 1:

03/08/2015

Ek hoor my eks boyfriend en sy eks meisie is weer saam... (klink nogals Jerry Springer as ek dit so stel haha)

Ek en my eks-boyfriend is uit, (die is my weergawe mensies, obviously het hy ook 'n kant van die storie) want hy is nie reg vir 'n verhouding nie, of altans dit was sy rede... Hy het met my opgebreek, op whatsapp nogals... moet hom eendag 'n high 5 vir daardie een gee. 

Anyhow, 4 weke in die pad af, toe hy nou voel die stof het so bietjie gaan lê, maak hy dit official op Facebook. So en so is in a relationship with so en so… ‘n Besorgde vriendin vertel my toe hiervan want ek stalk almal op Facebook behalwe vir hom haha.

Dis soos ‘n mes deur my hart! Dit het so seer gemaak alhoewel ek geweet het dit gaan gebeur. Ek is oor hom en regtig ek wil hom nie weer deel hê van my lewe nie, ek is nie kwaad vir hom nie en ek het hom regtig vergewe. Maar wat so seer gemaak het was hoe bedrieg ek gevoel het, hoe hy voorgegee het en dinge van haar gesê het wat my maak glo het hy sal nooit weer met haar uitgaan nie, als om agter te kom dit was ‘n act… en ‘n damn goeie een!

Toe ek voel dinge raak ernstig tussen ons, het ek vir hom gesê ek wil nie met hom uitgaan nie want ek kon die gevaar tekens sien! Hy en sy meisie was maar vir ‘n kort tydjie uit en sy vriende was sy alles. Hy belowe en smeek my toe dit is nie so nie, ek is sy trou-vrou, sy sal nooit deel van sy toekomsplanne wees nie hier te kort en daar te lank. Ek gee toe in… net vir hom om 2 maande daarna vir my te sê ek moes my instincts vertrou het!?!?

Ek kry toe die antwoord op my vraag… wat ek letterlik hard-op vir myself gevra het: “hoekom maak dit so seer?” Antwoord: Want ek besef toe alles wat ek saam met hom gehad het was ‘n leuen, elke woord en elke memory! Alles was voorgee en sy aksies na ons opgebreek het, het bewys dat sy intensies nie goeies was met my, en ons verhouding nie.

Ek begin toe dadelik bid want hier is ons by ons eerste kriesis, ek en Hy. …”U ken my hart en U weet wat die gevoelens is wat ek nou ervaar, Liewe Heer help my tog, vat al my negatiewe emosies en vervang hulle met joy. Ek wil nie so voel nie en ek wil nie kwaad wees vir hom nie, help my om hom te vergewe”

Weereens! Soos ek bid, kom daar ‘n kalmte oor my. Ek gaan sit weer by my tafel en die res van die dag sorg Hy dat ek so besig is dat ek nie tyd het om daaroor te dwell nie. Na werk is ek by my sussies aan, ek kry toe die kans om weer daaroor te praat maar met dieselfde kalmte en vrede wat vroëer die dag oor my gekom het.

Daardie aand, soos ek bid, vir al my geliefdes, bid ek vir hom ook. Hy is vergewe! En as hy geluk by haar vind, bid ek dat die Here hulle verhouding sal bless, ek wens vir hulle altwee net geluk en vreugde toe. Na daai gebed wou ek myself high 5! Haha. Ek sê nooit iets, as ek dit nie uit my hart uit bedoel nie, en die feit dat ek vir hulle bid beteken dis een ketting wat ek gelos het. Een minder om saam te sleep en een minder situasie vir die vyand om my mee te teister.

Krisis 1, opgelos. Ek het op Hom vertrou en hy het presies gedoen wat ek van Hom gevra het en meer! Ek is kalm en rustig en het met vrede die situasie uitgestap. #soblessed!